الحاجة سواقة التاكسى

تاكسى
اعذرونى على البوست الطويل .. قصة لازم تتحكى (بتصرف)🙂

النهاردة كنت نازل متأخر الصبح قلت أوقف تاكسى … ضربت بعينى كدة ع السواق لقيتها حاجة كبيرة فى السن لابسة عباية استغربت .. بس قلت و ماله ما هى البنت زى الولد ما هياش كمالة عدد .

– الجبل الأحمر يا حاجة ؟
– ماعرفوش ده يابنى .
– طب تعرفى نادى السكة ؟
– أيوة .
– على بركة الله ..

– مش فى ريحة شياط يا حاجة ؟؟
– ايوة يابنى مش عارفة العربية مالها بتكركر من الصبح ..
– مممممممممم …. طب شدى حيلك يا حاجة احنا ماشيين على 20 و لا ايه ده لو خدتها مشى كان زمانى وصلت😀

و فجأة سواق تاكسى تانى بيزمر بصوت عالى جنبنا و بيلطم بهيستيريا و بينعر بفظاظة : الكاوتش بيطلع شياط .. نزلى الهاند يا حاجة !! أنتى بتتعلمى و لا بتعلميه و لا أيه .
– لأ باعلمه😀
– هاااااار أسود😀 … بتعلمينى ايه بس يا حاجة😀
– يابنى والله أنا متعلمة كويس بس هى سهوات كدة
– سهوات ايه بس .. ده احنا مش باينلنا هنوصل النهاردة .. احكيلى ايه بس اللى رماكى على المر ده ؟
– واللهى يابنى أنا كنت شاطرة فى الخياطة جبت مكنة خياطة و المكنة جابت مكنة .. ربنا فتح عليا و جبت تاكسى .. شغلت 2 سواقين عليه بس نصبوا عليا .. و أنا صغيرة خالى كان بيسيبلنا مفاتيح العربية نسخنها و نغسلها فاتعلمت سواقة .. و ادينى وصلت زى مانت شايف كدة (و ضحكت🙂 ) …. اللى بيزعلنى يابنى أن السواقين الرجالة بيزنقوا عليا عشان يخطفوا الزباين رغم أنهم شايفين أنى واحدة ست … كل واحد رزقه مقسوم و لو مكتوبلك النهاردة عشرة جنيه مش هتاخد أكتر منها ولا أقل منها … اللى بيزعلنى بس التصرف .
– اه والله عندك حق … و نعمة بالله (ييجى البغال اللى قاعدين ع القهاوى و النواصى يشوفو)

– هنا يابنى .
– أيوة على جنب .
– هو ده الجبل الأحمر ؟
– لأ ده اسمه الحى السادس .. الجبل الأحمر المنطقة العسكرية اللى قدامك دى .
– (اتخضت … و بعد كدة وصلة مدح) .. الجيش ده أحلى حاجة فى البلد يعنى التزام و انضباط .. مسئولية و …. الحاجة الوحيدة اللى شغالة فى البلد .. و شغالين فى الدواجن و المواشى و عندهم مزارع و كل حاجة .. و وطنية تلاقى فيها أنضف حاجة و أرخص حاجة كمان ..
– ما خلاص يا حاجة انتى هتعملى اعلان زيت الحلوة .
– نهارك أبيض🙂
– سلامو عليكو (دى بلد وسخة اللى تبهدلك كدة … اه والله)

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s